65TX00C E3 Leiing, økonomi og marknadsføring (LØM) - 2027 Haust

Organisasjon og leiing

Økonomistyring

Marknadsføring

Studenten:

• har kunnskap om sentrale omgrep og samanhengar knytt til økonomistyring, organisasjon/leiing og marknadsføringsleiing
• har kunnskap om planleggingsprosessar knytt til styring av verksemda
• kjenner til viktige lover i emnet

Studenten kan:

• gjere greie for bedrifta si økonomiske stilling ved å hente ut økonomiske data frå rekneskapen og bruke det i analyser og kalkylar
• vurdere likviditeten og kapitalbehovet til bedrifta
• utarbeide budsjett, foreta budsjettkontroll og analysere eventuelle avvik
• gjennomføre enkle bedriftsøkonomiske analyser
• bruke rekneark i arbeidet med rekneskap og budsjett m.m.
• vurdere organisasjonsstruktur og -kultur samt arbeidsmiljø for å vidareutvikle verksemda
• kommunisere, motivere og leie personalet på måtar som fremmar effektivitet og trivsel
• kartlegge, analysere og utvikle kompetansen til medarbeidarane
• lage prosedyre for å gjennomføre gode rekrutteringsprosessar
• kartlegge eksterne og interne arbeidsvilkår og utarbeide situasjonsanalyser
• gjere greie for kjøpsprosessen i ulike marknader og vurdere kjøpsåtferda
• segmentere ulike marknader og velje målgrupper
• utarbeide marknadsstrategiar for verksemda med omsyn til produktval, prisfastsetjing, distribusjon og marknadskommunikasjon   

Studenten kan:

• innan gitte tidsfristar, aleine og i samarbeid med andre, planleggje, gjennomføre, dokumentere og levere arbeidsoppgåver og prosjekter
• medverke til å etablere, utvikle og leie ein organisasjon på måtar som fremmar både effektivitet, arbeidsmiljø, berekraft og samfunnsansvar
• nytte digitale verktøy til å innhente informasjon frå ulike kjelder og bruke den kritisk, hensiktsmessig og etterretteleg
• kommunisere internt og eksternt ved bruk av digitale verktøy
• utarbeide relevante faglege dokument i samsvar med formelle krav til struktur og utforming
• reflektere over samfunnsutvikling og relatere dette til næringslivet

Timeplanfesta timar er timane som ligg i timeplan på samlingar. Desse timane er på dagtid, følger samlingsplanen og ligg i timeplanen i vis. I tillegg kan det komme timar på dagtid for avvikling av evt eksamen, heildagsprøvar med meir.

Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer mellom anna arbeid med innleveringar, gruppearbeid og ekstratimar på kveldstid med lærar etter nærare avtale. I tillegg er det i desse timane sjølvstudium i form av førebuing til timar, lese fagstoff med meir.

Mappa består av:

ei innlevering i økonomistyring

ei innlevering i marknadsføringsleiing

ei innlevering i organisasjon og leiing.

Karakteren blir sett etter ei heilskapeleg vurdering av innhaldet i mappa. 

Godkjente obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode under. 

Alle obligatoriske læringsaktivitetar må vere bestått for å gå opp til vurdering. 

Hjertnes, Frode: Markedsføring, organisasjon og ledelse for LØM-emnet. Fagbokforlaget 2024.

ISBN: 9788245048681

Hjertnes, Frode og Skorpen, Brynjulf: Økonomistyring for LØM-enmet. Fagbokforlaget 2024.

ISBN: 9788245048674

Økonomi-illustrator, modul Entreprenør, utgitt av Learning by doing AS: Boka blir delt ut av faglærar, og rekning vil bli sendt frå Fagskulen Vestland. Boka kan ikkje kjøpast brukt.