65TE00A E4 Elektriske system - 2026 Haust

• Kretsteknikk i like- og vekselstraumskretsar
• Magnetisme og statisk elektrisitet
• Måleteknikk og laboratoriearbeid
• Teikne- og simuleringsverktøy

Studenten:

• har kunnskap om Ohms lov, Kirchhoffs lover og Thévenins teorem
• har kunnskap om å rekne ut faseforskyving, aktiv, reaktiv og tilsynelatande effekt i induktive, kapasitive og resistive kretsar
• har kunnskap om fasekompensering
• har kunnskap om samanhengen mellom ulike storleikar som fluks, feltstyrke, reluktans og straum i magnetkretsar
• har kunnskap om induksjon
• har kunnskap om regelverk som omhandlar el-sikkerheit
• har kunnskap om samanhengen mellom ulike storleikar som spenning, ladning og kapasitans i kapasitive kretsar
• har kunnskapar om inn- og utkoplingsforløp for spolar og kondensatorar

Studenten:

• kan teikne skjema for elektriske kretsar, både med likestraum og vekselstraum, og rekne ut aktuelle verdiar, som straum, spenning og effekt, som er knytte til desse kretsane.
• kan kople opp og måle dei utrekna verdiane for desse kretsane i laboratoriet
• kan simulere koplingane på PC
• kan utføre, rapportere og dokumentere laboratorieøvingar i emnet
• forstår verknadane til magnetfelt og elektriske felt i samspelet mellom ulike elektriske leidningar og apparat

Studenten:

• har elektroteknisk kompetanse og grunnlag for forståing av fordjupingsemna
• kan bidra til at HMT for elektriske system blir ivaretatt

Timeplanfesta timar er timane som ligg i timeplan på samlingar. Desse timane er på dagtid. Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer mellom anna arbeid med innleveringar, gruppearbeid og ekstratimar på kveldstid med lærar etter nærare avtale. I tillegg er det i desse timane sjølvstudium i form av førebuing til timar, lese fagstoff med meir.

5 timars heimeeksamen. 

Åtte skriftlege, individuelle oppgåver til innlevering.

Lærebøker Emne 4 Elektriske system

Pelt T.van & Knol E.H. (siste utgåve) EL-lære 1 LIKESTRAUM. Oslo, NKI forlaget.

Pelt T.van & Knol E.H. (siste utgåve) OPPGÅVESAMLING EL-lære 1 LIKESTRAUM. Oslo, NKI forlaget.

Pelt T.van & Knol E.H. (siste utgåve) EL-lære 2a VEKSELSTRAUM. Oslo, NKI forlaget.

Pelt T.van & Knol E.H. (siste utgåve) OPPGÅVESAMLING EL-lære 2a VEKSELSTRAUM. Oslo, NKI forlaget.

Programvare

Circuit-Maker

Nettressursar

www.lovdata.no – relevante lover og forskrifter www.standard.no – relevante reglar

www.elsiden.no → elektroteknikk/elektrisitetslære