65TE01N E6 PLS/DDC, mikrokontroller og koding

• PLS/DDC (direct digital control)
• Mikrokontrollersytem
• Introduksjon til grafisk og tekstbasert programmering

Studenten:

• har kunnskap om ulike programmeringsspråk
• har kunnskap om industri 4.0 og korleis dette påverkar den faglege utføringa
• har kunnskap om kva forskrifter og normer som gjeld for ulike automatiserte installasjonar
• kan vurdere korleis forskrifter og normer påverkar utføringa av ulike automatiserte installasjonar
• kjenner til korleis automatiseringsfaget har utvikla seg gjennom ulike industrielle transformasjonar, og kva framtida sine behov for automatisering krev av installasjonar
• har innsikt i kva for moglegheiter som finst innanfor automatisering av prosessar, bygg og intelligente system

Studenten:

• kan bruke FBD (funksjonsblokkdiagram) og ST (strukturert tekst)
• kan gjere greie for val av komponentar, måleutstyr, signaloverføring og struktur i anlegget
•  klarer å få struktur i program og viser god programmeringsskikk
• kan vurdere eige arbeid innanfor automasjonssystemet og programmering
• kan søke etter, finne og vurdere informasjon relatert til eigne prosjekt

Studenten:

• kan planlegge og gjennomføre et sjølvstendig arbeid innanfor automasjonsfaget som styrer en reguleringsprosess
• kan utveksle informasjon og diskutere fagleg med andre innanfor automasjonsfaget og grunngje faglege tilbakemeldingar til medstudentar
• kan reflektere over eiga utføring av arbeidsoppgåver innfor automasjonsfaget
• kan dokumentere eigen arbeidsprosess og samhandle med fagpersonar innanfor automasjonsfaget

Timeplanfesta timar er timane som ligg i timeplan på samlingar. Desse timane er på dagtid. Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer mellom anna arbeid med innleveringar, gruppearbeid og ekstratimar på kveldstid med lærar etter nærare avtale. I tillegg er det i desse timane sjølvstudium i form av førebuing til timar, lese fagstoff med meir.

Mappevurdering der mappa skal bestå av:

- Fire skriftlege læringsnotat med omfang på 1000-1500 ord pr. notat
- Eitt case med felles tema sett av faglærar
- Eitt case med eige valt tema
- Munnleg presentasjon av eige valt case 

Arbeidet i mappa er individuelt. Læringsnotata tel tilsaman 20%, case oppgåvene tel tilsaman 80%.

Det setjast ein samla karakter på mappa.  

Ingen arbeidskrav

PROGRAMMERBARE LOGISKE STYRINGER, siste utgåve, av Dag Håkon Hanssen

Arduino Starter Kit (UNO + elektronikksett). Kan verte endra grunna tilgang og teknologisk utvikling.

Tilgjengelege ressursar på læringsplattforma.