64TE01N Robotteknologi - 2028 Haust

Emnet gir ei innføring i robotteknologi, inkludert grunnleggjande prinsipp, programmering, simulering og praktisk anvending av ulike robotsystem. Vidare dekker det dei mest brukte aktuatorane og sensorane i robotsystem. Emnet introduserer og grunnleggjande maskinsyn og praktisk bruk av standardbiblioteker for maskinsyn, med fokus på objektgjenkjenning og kontroll.

Studenten har:

• grunnleggjande kunnskap om robotar og verktøy for programmering, simulering og praktisk bruk.

• detaljert kunnskap om aktuelle aktuatorar og sensorar som blir nytta i robotsystem.

• forståing for maskinsyn, og anvending i industrielle samanhenger

Studenten kan:

• nytte forskjellige programmeringsverktøy og ta bruk fleire typer industrielle robotar på trygg og sikker måte 

• nytte utvalde teknikkar for objektgjenkjenning og kontroll samt bruke dette mot andre system for å løyse konkrete oppgåver. 

•  gjere greie for sine faglege val innan programmering, simulering og praktisk bruk av robotarmar og mobile robotar. 

Studenten kan:

• planleggje og gjennomføre oppgåver både sjølvstendig og i samarbeid med andre, ved bruk av robotsystem og maskinsyn, i tråd med gjeldande retningsliner og etiske krav. 
• utnytte samspelet mellom teori og praksis for å diskutere faglege problemstillingar og løysingar.

Undervisninga baserar seg i stor grad på forelesingar, oppgåver, laboratorieøvingar og lærebøker. For samlingsbaserte nettstudiar vil det vere lærarstyrte aktivitetar mellom samlingane, både synkrone og asynkrone, for å sikre god progresjon i faget.

Timeplanfesta tid er timane som ligg i timeplanen. For deltidsstudiet er timeplanfesta tid timane på timeplanen på samlingar. Desse timane er på dagtid. Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer blant anna arbeid med innleveringar, gruppearbeid og eventuelt timar med lærar etter nærmare avtale. I tillegg er det i desse timane sjølvstudie i form av forbereding til timar, lese fagstoff osv.

Timane som er timeplanfesta er eit utgangspunkt, og timar kan bli overførte mellom emner på bakgrunn av klassen sine behov og etter ei nærmare pedagogisk vurdering.

Karakterskala A-F, der F er ikkje bestått. 

Godkjente obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode under.
Alle obligatoriske læringsaktivitetar må vere bestått for å gå opp til eksamen.

Litteratur som blir utlevert ved studiestart:

•  Systemdokumentasjon frå produsentar
•  Kompendiar frå faglærar
•  Undervisningsvideoar

Det kan forventast bruk av ein del plasskrevande programvare på eigen datamaskin