64TB79F E6 FDVU, livsløp og levetid til bygg - 2027 Haust

Emnet gir studentane innsikt i korleis bygga blir forvalta, drifta, vedlikehalde og utvikla gjennom heile levetida. Det legg vekt på korleis gode rutinar og planlegging kan forlenge levetida til bygg, redusere kostnader og bidra til berekraftige løysingar.

Studenten:

• har kunnskap om fasar i livsløpet til ein bygning
• kjenner til hovudtrekk i norsk bygnings- og arkitekturhistorie innan
  stilhistorie, materialbruk og konstruksjonar
• har kunnskap om god byggeskikk, estetikk og byggkvalitet
• kjenner til hovudtrekk i den historiske utviklinga for tekniske installasjonar i bygningar
• har kunnskap i ombyggingsprosessen – utgreiing, planlegging og gjennomføring
• har kunnskap om teknisk tilstandsregistrering og analyse
• kjenner til typiske byggtekniske problemområde ved ombygging og vedlikehald
• har kunnskap om livsløpsøkonomi og funksjonsanalyse
• har kunnskap om relevante lover, forskrifter og standardar
• har kunnskap om metodar for å evaluere livsløpsanalyse til bygningar og kunne vurdere grensesnitt for utslepp

Studenten:

• kan greie ut om korleis ein bygning sine eigenskapar og økonomi utviklar seg gjennom livsløpet
• kan gjennomføre ei tilstandsregistrering og analyse i samsvar med NS 3424 og andre relevante standardar
• kan utforme drifts- og vedlikehaldsplanar
• kan analysere og vurdere organisering og økonomi i ein FDV-organisasjon 
• kan gjere vurderingar for god og ressurseffektiv bygningsforvaltning
• kan gjere ei vurdering på kva som er det beste for miljøet mellom alternativa bevaring, grad av transformasjon, rehabilitering eller riving og nybygg
• forstår korrelasjonen og dilemma mellom bygningsforvaltning og miljøomsyn

Studenten:

• har forståing for kva bygningar betyr for samfunn og miljø
• har forståing for korleis ei verksemd vert påverka av bygningen sine eigenskapar 
• har forståing for bygningar sin ressursbruk og miljøpåverknad
• kan utføre ei tilstandsanalyse av eit bygg og utforme ein tilstandsrapport
• kan vurdere dilemma ved val ein gjer i ulike delar av ein bygning sitt livsløp

Vurderingsmappa består av:

• Ei individuell innlevering som bygger på den praktiske oppgåva
• Ein individuell presentasjon 

Ei praktisk gruppeoppgåve og deltaking på synfaring i samband med denne.

Læremateriell:

Haugen, T.B., Sæbøe, O.E., Foss, M. (2020): Eiendomsforvaltning- facility management, Fagforlaget

Geving, S.(2021):  Praktisk bygningsfysikk, Fagforlaget.

SINTEF Byggforskserien.  https://www.byggforsk.no/byggforskserien 

Norsk standard.  www.standard.no

Tilleggslitteratur:

One Click LCA (programvarelisens)