64TT86B Additiv tilvirkning - 2027 Vår

Studentane får grunnleggande og praktisk kunnskap om 3D-printing, materialval og 3D-skanning av robotkomponentar. Emnet tar føre seg design, modellering, produksjon og digitalisering ved hjelp av programvare og utstyr tilpassa industrien.

Studenten har kunnskap om:

• ulike materialtypar som vert brukte i 3D-printing (plast, metall, komposittar), og bruksområde innan robotkomponentar
• ulike 3D-printingteknologiar og deira spesifikke bruksområde i robotikk
• ulike 3D-skanningteknologiar og korleis dei kan brukast til å digitalisere robotkomponentar

Studenten kan:

• velje eigna materialar til spesifikke robotdelar basert på funksjonelle krav og miljøtilhøve
• designe og modellere robotkomponentar ved hjelp av programvare
• forberede og gjennomføre 3D-printing av robotdelar, inkludert slicing og val av innstillingar på printeren
• bruke 3D-skannarar for å digitalisere robotkomponentar og handsame dei skanna dataa med relevant programvare
• identifisere og løyse vanlege problem med 3D-printerar og utføre grunnleggande vedlikehald

Studenten kan:

• integrere 3D-skanning og 3D-printing i utvikling og produksjon av robotkomponentar
• planlegge og gjennomføre praktiske prosjekt frå start til slutt
• utvikle kreative løysingar og tenke nyskapande i design og produksjon av robotdelar
• evaluere ferdige produkt og identifisere moglegheiter for forbetring

Undervisninga legg opp til erfaringsbasert læring med praktiske prosjektbaserte oppgåver. I tillegg er det forelesningar, oppgåveløysing, og bruk lærebøker. Mellom samlingane er det både eigenstudium og lærarstyrte aktivitetar, både synkrone og asynkrone.

Timeplanfesta tid gjeld samlingane. I tillegg kjem lærarstyrte aktivitetar utanom samlingar.

Eigenstyrt aktivitet er det arbeidet du som student utfører utanom den timeplanfesta undervisninga. Dette inkluderer mellom anna arbeid med innleveringar, gruppearbeid, sjølvstudium og førebuing til undervisning, samt eventuelle ekstra avtalarte timar med lærar.

Timeplanen fungerer som eit utgangspunkt. Ved behov kan timar bli flytta mellom emne etter ein samla fagleg og pedagogisk vurdering, med utgangspunkt i klassens behov.

Mappevurdering med forprosjekt, prosjektrapport og presentasjon

To obligatoriske læringsaktivitetar.