64TT04R E11 Teknisk dokumentasjon og 3D-modellering - 2027 Haust

Emnet gir studenten kompetanse i digital konstruksjon ved bruk av verktøy for 2D- og 3D-modellering. Studenten lærer å modellere delar og samanstillingar, produsere 2D-teikningar etter gjeldande standardar og utføre enkle revisjonar og endringar. Emnet utviklar praktiske ferdigheiter i parametrisk modellering og dokumentasjon.

Studenten

• har kunnskap om moderne 3D-konstruksjonsverktøy og prinsippa for oppbygging av delar og samanstillingar
• har kunnskap om produksjon av 2D-teikningar i samsvar med gjeldande standardar, normer og krav
• har kunnskap om metodar for revisjon og oppdatering av delar, samanstillingar og teikningar
• kjenner til fagområdet si utvikling og betydning innan moderne konstruksjons- og produksjonsteknologi

Studenten:

• kan nytte aktuelle prinsipp og metodar for oppbygging av delar og samanstillingar i eit 3D-konstruksjonsverktøy
• kan produsere 2D-teikningar i tråd med gjeldande standardar
• kan utføre endringar og modifiseringar av delar, samanstillingar og teikningar
• kan finne og nytte relevant fagstoff og informasjon for å løyse praktiske problemstillingar innan digital konstruksjon
• kan reflektere over eiga faglege utøving og justere denne under rettleiing

Studenten:

• kan planleggje og gjennomføre faglege oppgåver og mindre prosjekt innan digital konstruksjon, åleine og i samarbeid med andre
• meistrar bruk av DAK-verktøy med vekt på parametrisk modellering og teknisk dokumentasjon
• har forståing for korleis digitale konstruksjonsverktøy dannar grunnlag for vidare arbeid innan produktutvikling og produksjon
• kan utveksle faglege synspunkt med andre og bidra til utvikling av god praksis innan teknisk teikning

Programvare
Programvara som vert nytta i emnet, er tilgjengeleg gratis for studentar. Rettleiing for registrering og nedlasting vert gitt ved emnestart.

• Autodesk AutoCAD
• Autodesk Inventor