64TT04P E9 Termodynamikk - 2027 Haust

Emnet gir studenten forståing av korleis energi vert overført, omforma og utnytta i tekniske system. Studenten lærer sentrale omgrep, prosessar og lovmessigheiter innan termodynamikk og strøymingslære, og får praktiske ferdigheiter i å berekne energiflyt, dimensjonere komponentar og vurdere effektiviteten i ulike energisystem.

Studenten

• har kunnskap om omgrep, prinsipp og prosessar innan termodynamikk og strøymingslære
• har kunnskap om korleis energisystem og termiske prosessar er bygde opp og verkar
• har kjennskap til aktuelle energiberarar, arbeidsmedium og deira eigenskapar
• kjenner til fagområdet si utvikling og betydning i teknologisk og samfunnsmessig samanheng

Studenten:

• kan gjennomføre enkle termodynamiske og strøymingstekniske berekningar
• kan analysere og vurdere energiflyten i eit system og berekne energiutnytting
• kan dimensjonere komponentar i eit energisystem
• kan finne og nytte relevant informasjon, standardar og fagstoff for å løyse praktiske og teoretiske problemstillingar innan termodynamikk og strøymingslære

Studenten:

• kan planleggje og gjennomføre faglege oppgåver og prosjekt innan termodynamikk og strøymingslære, åleine og i samarbeid med andre, i tråd med etiske krav og retningslinjer
• har forståing for bruk og tolking av standardar og teknisk dokumentasjon knytt til energisystem
• kan nytte kunnskapen sin til å optimalisere energiproduksjon og energieffektivitet i enkle anlegg
• kan utveksle faglege synspunkt med andre innan fagområdet og bidra til utvikling av god praksis
• kan bidra til berekraftige og energieffektive løysingar i tekniske system

Timeplanfesta timar er timane som ligg i timeplan på samlingar. Desse timane er på dagtid. I tillegg kan det komme timar på dagtid for avvikling av evt eksamen, heildagsprøvar og framføring av hovudprosjekt.

Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer mellom anna arbeid med innleveringar, gruppearbeid og ekstratimar på kveldstid med lærar etter nærare avtale. I tillegg er det i desse timane sjølvstudium i form av førebuing til timar, lese fagstoff med meir.

Godkjente obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode under. 

Alle obligatoriske læringsaktivitetar må vere bestått for å gå opp til eksamen. 

Lærebøker
Johannessen, K. (2014) Teknisk termodynamikk med strømningslære. 1.utg. Bergen, Fagbokforlaget.

Tabellar
Hartvigsen, H., Lorentsen, R., Michelsen, K. & Seljevoll, S. (2006) Verkstedhandboken. 6. utg. Oslo, Gyldendal.
Pedersen, S. E., Gustavsen, J., Kaasa, S. & Olsen, O. (1998) Teknisk formelsamling med tabellar. 7. utg. Oslo, Gyldendal.