64TB79B E2 Yrkesretta kommunikasjon - 2026 Haust

Emnet skal gi studentane skriftlege og munnlege ferdigheiter i kommunikasjon som fremjar ein meir berekraftig bransje. Dette er fordelinga av studiepoeng:

• Norsk 3 sp
• Engelsk 2 sp    

Studenten:

• har generell kunnskap om språket som verktøy for god kommunikasjon, og kjenner til norsk og engelsk fagterminologi innanfor fagområdet sitt
• har kunnskap om relevante dataverktøy og medium som vert nytta i kommunikasjon
• kjenner til ulike former for prosjektdokumentasjon, avtalar og kontraktar

Studenten:

• kan bruke engelsk og norsk skriftleg og munnleg i yrkesretta sjangrar
• kan bruke relevante kommunikasjonsverktøy og medium i kommunikasjonsprosessen
• kan halde presentasjonar og delta med innlegg i diskusjonar, og tilpasse innhaldet til situasjonen
• kan finne, vurdere, bruke og vise til informasjon og fagstoff, og reflektere rundt ulike problemstillingar

Studenten:

• kan kommunisere skriftleg og munnleg på ein tydeleg og forståeleg måte både i faglege og generelle samanhengar
• kan tilpasse bodskapen til mottakaren
• har kompetanse i effektiv bruk av IKT og korrekt kjeldebruk

Timeplanfesta timar er timane som ligg i timeplan på samlingar. Desse timane er på dagtid, følger samlingsplanen og ligg i timeplanen i vis.

Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer mellom anna arbeid med innleveringar, gruppearbeid og ekstratimar på kveldstid med lærar etter nærare avtale. I tillegg er det i desse timane sjølvstudium i form av førebuing til timar, lese fagstoff med meir.

Mappevurdering som inneheld:

Norsk:          

• ein individuell munnleg presentasjon
• møteinnkalling og møtereferat som skal leverast individuelt 

Engelsk:                                           

• ein individuell munnleg presentasjon
• ein skriftleg innlevering som skal leverast individuelt                                                                

Karakteren vert sett etter ei heilskapleg vurdering av mappeinnhaldet. 

Godkjente obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode under. Alle obligatoriske læringsaktivitetar må vere bestått for å kunne gå til sluttvurdering.

Norsk

Federl, M., Hoel, A. (2020): Norsk for fagskolen, 3. utgåve, Vigmostad & Bjørke AS, Fagbokforlaget, Bergen. ISBN: 9788245033618

Digital ordbok: Det Norske Akademis ordbok

Engelsk

Ytterdal, M. R. (2021): Crossover – Practical and Technical English, 4. utgåve, Vigmostad & Bjørke AS, Fagbokforlaget, Bergen. ISBN: 9788245034264