58TB01K Lokal tilpassing - 2028 Haust

Emnet bygger vidare på tidlegare undervisning og har som mål å gi studentane kompetanse som tilfredsstiller krava til prosjektering i tiltaksklasse 2. Emnet dekker følgjande hovudtema:

• Statikk, stålkonstruksjonar, betong og bygningsfysikk
• Bygningsproduksjon, prosjektleiing, anleggsteknikk og forvaltning, drift og vedlikehald (FDV)

Undervisninga kombinerar teori med praktisk erfaring frå byggebransjen, slik at fagkunnskapen blir relevant og yrkesretta. Læringsaktivitetane er organiserte rundt eit prosjekt der studentane skal planleggje og prosjektere ein industrihall i stål, tilpassa ein konkret tomt i eit lokalt næringsområde. Dette gir studentane realistisk innsikt i prosjekteringsprosessen og styrker evna deira til å nytte teknologiske løysingar i praksis.

Studenten har kunnskap om:

• planlegging og forvaltning av større bygg
• prosjektmodellar og prosjektadministrasjon

Studenten skal kunne:

• prosjektere større konstruksjonar og anlegg ved hjelp av programvare
• foreta energiberekning og energiklassifisering ved hjelp av programvare
• berekne og analysere livssykluskostnader ved hjelp av programvare
• utvida tilstandsanalyse av byggverk etter NS 3424
• utarbeide FDV-dokumentasjon for større bygningar
•  kalkulere større konstruksjonar og anlegg
• gjennomføre prosjektoppfølging, teknisk, organisatorisk og økonomisk, av eit byggeprosjekt
• organisere timeforbruk og ressursar/materialar og lønnsoppfølging
• utarbeide av beskrivingar etter NS 3420 ved hjelp av programvare
• byggemelde eit større tiltak

Studenten skal:

• kunne prosjektere og leie gjennomføring av ulike typer byggeprosjekt
• analysere og løyse statiske modeller av bygningskonstruksjonar
• kunne nytte og bruke aktuelle dataprogram ved prosjektering av stål- og betongkonstruksjonar, samt energiberekningar
• kunne gjennomføre grunnleggande prosjektleiing

Studieplanen er grunnlag for all undervisning.

Undervisninga baserer seg i stor grad på lærebøker, faglitteratur, forelesingar, og arbeid med oppgåver og oppgåveløysing. Herunder eksempelstudiar, rapportar og prosjektarbeid. I tillegg blir det gjennomført ekskursjonar og bedriftsbesøk. Viss relevant blir det gjennomført laboratorieøvingar.

Aktivitet mellom samlingar for nettstøtta utdanning:

• Lærar tilbyr rettleiing og undervisning over nettet
• Student og lærar kommuniserer over læringsplattforma
• Det kan bli nytta undervisning med video
• Det blir lagt til rette for eigenstyrte læringsaktivitetar knytt til eksempeloppgåver/ øvingsoppgåver og prosjektarbeid
• Det blir lagt til rette for at studenten kan tilpasse oppgaveløysing og prosjektarbeid til eiget fagfelt og praksis, innanfor rammene gitt i læringsutbyttebeskrivingane.

Det blir forventa at studenten har eit aktivt forhold til rettleiing.

Timeplanfesta tid er timane som ligg i timeplanen. For deltidsstudiet er timeplanfesta tid timane på timeplanen på samlingar. Desse timane er på dagtid. Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer blant anna arbeid med innleveringar, gruppearbeid og eventuelle timar på kveldstid med lærar etter nærmare avtale. I tillegg er det i desse timane sjølvstudie i form av førebuing til timar, lese fagstoff osv.

Timane som er timeplanfesta er eit utgangspunkt, og timar kan bli overførte mellom emne på bakgrunn av klassen sine behov og etter ei nærmare pedagogisk vurdering.

Mappa består av:

• Eit prosjektarbeid med eksempeloppgåver som leier fram til prosjektering av ein stålhall som eit næringsbygg i tiltaksklasse 2. Prosjektoppgåva vil innebere arbeid i gruppe, på skulen og som heimearbeid.
• Ein emneprøve som reflekterer læringsutbyttet av prosjektarbeidet.

Emnekarakteren blir satt etter ei heilskapleg vurdering.

Ingen obligatoriske læringsaktivitetar

Erling S. Andersen, Eva Schwenke (2012), Prosjektarbeid, Oslo, NKI-forlaget, ISBN: 9788256272303, 214 sider

I tillegg brukes abonnement på Standard.no etter avtale med lærere