64TT90B Cybersikkerheit i industrien: Operatøren si rolle - 2027 Vår

  • Emnefakta

    • Fagområde
      Robotteknologi
    • Studiepoeng
      5
    • Studienivå
      Høgare yrkesfagleg utdanning, nivå 5.1
    • Studiestad
      Førde, Nordnes, Nettbasert studium
    • Studieprogram
      Robotteknologi
    • Startsemester
      2027 Vår

Om emnet

Emnet gir operatørar grunnleggande og praksisnær forståing for trusselbildet innan cybersikkerheit, med særleg vekt på menneskelege faktorar, nasjonale rammeverk og korleis ny teknologi påverkar sikkerheita i industri og samfunnskritisk infrastruktur.
Emnet ser særskilt på operatøren si rolle i det totale sikkerheitsbildet og fokuserer på digital dømmekraft, sikkerheitskultur og etterleving av etablerte sikkerheitsprinsipp. Det blir lagt vekt på korleis kunstig intelligens (KI) blir brukt i moderne påverknadsoperasjonar, og korleis sosial manipulering kan utnytte både menneskeleg åtferd og fysiske sårbarheiter i produksjonsmiljø.
Målet er å styrke studenten si evne til å identifisere risiko, kjenne igjen truslar og handle korrekt i kvardagen for å førebygge og avgrense konsekvensane av cyberhendingar.

Innhald i emnet:

  • Gjennomgang av retningslinjene til Nasjonal sikkerhetsmyndighet (NSM) og aktuelle trusselrapportar frå Norsk senter for informasjonssikring (NorSIS).
  • Mennesket i systemet: Sosial manipulering, digital dømmekraft og sikkerheitskultur.
  • KI-driven påverknad: Korleis angriparar brukar KI til deepfakes og avansert phishing 2.0.
  • Identifisering av sårbarheiter i kontrollsystem og operasjonell teknologi (OT).

Læringsutbytte

Kunnskap

Kandidaten:

  • Kan gjere greie for NSM sine grunnprinsipp for IKT-sikkerheit og aktuelle nasjonale trusselvurderingar frå NSM og NorSIS.
  • Kan gjere greie for korleis kunstig intelligens (KI) blir brukt i påverknadsoperasjonar, inkludert phishing og deepfakes.
  • Kan forklare metodar for sosial manipulering og korleis angriparar utnyttar menneskelege faktorar i ein industriell kontekst og fysiske sårbarheiter i produksjonsmiljøet.
  • Kan identifisere ulike typar fysiske og digitale sårbarheiter som kan truge bedrifter og kritiske samfunnsfunksjonar.

Ferdigheiter

  • Kan kjenne igjen teikn på KI-generert manipulasjon i lyd, bilde og tekst under tidspress.
  • Kan vurdere risiko knytt til cybersikkerheit i ein travel operatørkvardag.
  • Kan identifisere og vurdere sikkerheitshol knytt til menneskeleg åtferd og etterleving av retningslinjer, under dette passordbruk, eksternt utstyr, unormal systemåtferd og fysisk sikring
  • Kan dokumentere observasjonar og varsle korrekt ved mistanke om sikkerheitsbrot eller avvik.

Generell kompetanse

  • Kan utøve digital dømmekraft som bidrar til å styrke verksemda sin sikkerheitskultur gjennom yrkesetisk refleksjon, vurdering av konsekvensar av eigne handlingar og bruk av etablerte sikkerheitsprinsipp i eiga yrkesutøving.
  • Har forståing for kva konsekvensar ei cyberhending kan ha for miljø, HMS og verksemda si konkurransekraft.

Undervisningsformar og aktivitetar

Undervisninga legg opp til erfaringsbasert læring med praktiske prosjektbaserte oppgåver. I tillegg er det forelesningar, oppgåveløysing, og bruk lærebøker. Mellom samlingane er det både eigenstudium og lærarstyrte aktivitetar, både synkrone og asynkrone.

Arbeidsinnsats

Emnet er nettbasert med digitale samlingar. I tillegg til deltaking på samlingar, er det forventa at det blir arbeidd med læringsaktivitetar og obligatoriske læringskrav.

Vurdering

Mappeoppgåve som består av prosjektrapport og videopresentasjon. Det skal vere mogleg å identifisere den enkelte studenten sitt bidrag.

VurderingPraktisk infoAnnet
Vurderingsform
Mappevurdering
Karakterskala
Bestått
Gruppering
Gruppe/Individuell

Arbeidsmengde

AktivitetAktivitetsdetaljerVarighetStudieformKommentar
Timeplanfesta timar
10 Tima(r)
Deltid
Eigenstyrt aktivitet
78 Tima(r)
Deltid
Lærarstyrte aktivitetar utanom samlingar
37 Tima(r)
Deltid

Obligatoriske læringsaktivitetar

Godkjende obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode. Alle obligatoriske læringsaktivitetar må vere godkjende for å kunne gå opp til eksamen.

Læringsaktivitetar

NamnKravKommentar
Skriftleg innlevering
2
2
Individuell

Litteratur- og utstyrsliste

Endringar i litteratur- og utstyrslista kan skje fram til 1. juni for haustsemesteret / 1. desember for vårsemesteret. 

Emneansvarleg

Bjørnar Seim-Tvilde