64TT04K Hydraulikk og pneumatikk - 2028 Haust

• Hydraulikk
• Pneumatikk

​ ​Studenten:

• har kunnskap om hydraulikken sine grunnprinsipp, komponentbeskrivingar, symbol, skjematikk og heilskapleg systemforståing 

• har kunnskap om drift og vedlikehald av hydrauliske og pneumatiske anlegg  

• har kjennskap til reguleringsteknikken i pneumatiske og hydrauliske anlegg og vite kva for basiskomponent slike anlegg må ha  

• har kunnskap om pumper, ventilar, aktuatorar og dei basiskomponentane dei ulike systema forutset

• har kunnskap om dei moglegheiter og farar slik trykkbasert energi kan representere  

• har kunnskap om aktuelle pneumatiske, hydrauliske og elektriske styringssystem for hydrauliske eller pneumatiske anlegg  

• har kjennskap til strømningsteknikk og dei generelle krav som blir stilt til mediet, trykk, reinleik, temperatur, smøreeigenskapar og verknadsgrad 

Studenten:

• kan designe, simulere og dimensjonere enkle hydrauliske og pneumatiske anlegg med nødvendig dokumentasjon  

• kan kople opp, setje i gang, funksjonsteste, feilsøke og kvalitetssikre at det hydrauliske og pneumatiske utstyret tilfredsstiller spesifikke krav  

• kan foreta målingar, reflektere over resultata og gjere føremålstenlege vurderingar – også i forhold til energi-, ressursutnytting og miljø  

• kan forklare og/eller vise verkemåten til enkeltkomponenter i slike anlegg 

• kan forstå heilskapleg samanheng i hydrauliske og pneumatiske krinser, samt tilhøyrande styringssystem 

• kan nytte hydraulisk monteringsverktøy og kjenner til moglegheiter og farar ved slikt utstyr 

Studenten:

• kan byggje relasjonar med fagfellar innan energiteknikk og på tvers av faggrupper  

• kan planleggje og gjennomføre berekraftige arbeidsoppgåver 

Studieplanen er grunnlag for all undervisning.

Undervisninga baserar seg i stor grad på lærebøker, faglitteratur, forelesingar, og arbeid med oppgåver og oppgaveløysing. Medrekna eksempelstudier, rapportar og prosjektarbeid. I tillegg blir det gjennomført ekskursjonar og bedriftsbesøk. Viss relevant blir det gjennomført laboratorieøvingar.

Aktivitet mellom samlingar for nettstøtta utdanning:

• Lærar tilbyr rettleiing og undervisning over nettet
• Student og lærar kommuniserer over læringsplattforma
• Det kan bli nytta undervisning med video
• Det blir lagt til rette for eigenstyrte læringsaktivitetar knytt til eksempeloppgåver/ øvingsoppgåver og prosjektarbeid
• Det blir lagt til rette for at studenten kan tilpasse oppgaveløysing og prosjektarbeid til eige fagfelt og praksis, innanfor rammene gitt i læringsutbyttebeskrivingane.

Det er forventa at studenten har eit aktivt forhold til rettleiing.

Timeplanfesta tid er timane som ligg i timeplanen. For deltidsstudiet er timeplanfesta tid timane på timeplanen på samlingar. Desse timane er på dagtid. Eigenstyrt aktivitet er arbeidet du som student bør leggje ned utanom timane som er timeplanfesta. Dette inkluderer blant anna arbeid med innleveringar, gruppearbeid og eventuelle timer på kveldstid med lærar etter nærmare avtale. I tillegg er det i desse timane sjølvstudie i form av førebuing til timar, lese fagstoff osv.

Timane som er timeplanfesta er eit utgangspunkt, og timar kan bli overførte mellom emne på bakgrunn av klassen sine behov og etter ei nærmare pedagogisk vurdering.

• 1 skriftleg prøve, tel 30% på endeleg karakter
• 1 skriftleg prøve, tel 70% på endeleg karakter

• 9 skriftlige innleveringer med fremføring.
• Minimum 80% fremmøte på samlinger.

Alle obligatoriske læringsaktivitetar må vere godkjente.