64TK01C Leiing, økonomi og marknadsføring - 2027 Haust

LØM-emnet skal gi studentane kompetanse i økonomiske og administrative fagområde, samt innan leiing. LØM-emnet består av temaa:

• Marknadsføringsleiing
• Organisasjon og leiing

Økonomistyring

Det blir trekt vekslar på praktisk erfaring frå arbeidslivet, slik at teoretisk kunnskap i størst mogleg grad blir yrkesretta og integrert i opplæringa. Planen for LØM-emnet dekker Meisterbrevnemnda sine krav.

Studenten:

• har kunnskap om sentrale omgrep og samanhengar knytt til økonomi, organisasjon/leiing og marknadsføringsleiing
• har kunnskap om verksemda sine kostnadar generelt og kostnadar knytt til arbeidskrafta spesielt
• har kunnskap om planleggingsprosessar knytt til styring av verksemda
• har kunnskap om viktige lover som regulerer verksemda

Studenten

• kan kartleggje interne og eksterne arbeidsvilkår og utarbeide situasjonsanalysar
• kan gjere greie for bedriften si økonomiske stilling
• kan utarbeide kalkylar og budsjett
• kan vurdere bedriften sitt kapitalbehov og finansieringsmoglegheiter
• kan foreta budsjettkontroll og analysere avvik
• kan foreta investeringsanalysar og andre lønsemdsberekningar
• kan nytte rekneark i samband med budsjettering, kalkulasjon m.m.
• kan vurdere organisasjonsstruktur, organisasjonskultur samt fysisk og psykososialt arbeidsmiljø med tanke på organisasjonsutvikling
• kan leie, kommunisere og motivere medarbeidarar på måtar som fremjer effektivitet og trivsel
• kan identifisere, analysere og utvikle medarbeidar sin kompetanse
• kan planleggje og gjennomføre gode rekrutteringsprosessar
• kan gjere greie for og vurdere kjøpsprosessar i ulike marknader
• kan segmentere ulike marknader og velje målgrupper bland desse
• kan utarbeide marknadsstrategier for verksemda mht. produktval, prisfastsetting, distribusjon og marknadskommunikasjon 

Studenten:

• kan planleggje, gjennomføre, dokumentere og levere oppgåver og prosjekt aleine og saman med andre innan gitte tidsfristar
• kan etablere, utvikle og leie ei verksemd på måter som fremjer effektivitet, arbeidsmiljø, berekraft og samfunnsansvar
• kan nytte digitale hjelpemiddel for å søke kunnskap og informasjon samt kunne tolke og nytte kunnskap/informasjon på relevante måtar
• kan kommunisere effektivt internt og eksternt – også ved hjelp av digitalt verktøy
• kan utarbeide faglege dokument som pristilbod, handlingsplanar, arbeidsavtalar, møteinnkallingar, forretnings- og marknadsplaner m.m.
• kan reflektere over samfunnsutviklinga og vurdere bedriften si rolle i denne

Emneplanen er grunnlaget for undervisninga. Undervisninga baserar seg elles på bruk av lærebøker, forelesingar, oppgitte nettsider og arbeid med oppgåver. I tillegg blir det brukt videoar relatert til aktuelt lærestoff. 

Timeplanfesta tid er timane som ligg i timeplanen. For deltidsstudiet er timeplanfesta tid timane på timeplanen på samlingar. Desse timane er på dagtid. Eigenstyrt aktivitet er arbeidet du som student bør leggje ned utanom timane som er timeplanfesta. Dette inkluderer blant anna arbeid med innleveringar, gruppearbeid og eventuelle timer på kveldstid med lærar etter nærmare avtale. I tillegg er det i desse timane sjølvstudie i form av førebuing til timar, lese fagstoff osv.

Timane som er timeplanfesta er eit utgangspunkt, og timar kan bli overførte mellom emne på bakgrunn av klassen sine behov og etter ei nærmare pedagogisk vurdering.

3 obligatoriske læringsaktivitetar.

Mette Holan, Per Høiseth: Organisasjon og ledelse LØM. Fagbokforlaget 2024. ISBN:9788245048698

Mette Holan, Per Høiseth: Økonomistyring LØM. Fagbokforlaget 2024. ISBN: 9788245048186

Mette Holan, Markedsføringsledelse LØM. Fagbokforlaget 2024. ISBN:9788245048704