64TE13B Elektrifisering av fritidsbåtar - 2027 Vår

Tema som inngår i emnet:

• Elektrifisering og berekraft
• Grunnleggande elektroteknikk
• Elektriske framdriftsmotorar
• Motorstyring, invertarar og CAN-buss
• Batteriteknologi og BMS
• Lading og hybridsystem
• Dimensjonering og systemintegrasjon
• Elektrisk tryggleik og feildiagnostikk
• Brannrisiko, regelverk og standardar
• Praktisk prosjektering

Emnet rettar seg mot yrkesutøvarar som arbeider med, eller ønsker å arbeide med, elektrifisering av fritidsbåtar, arbeidsbåtar og mindre yrkesfartøy. Emnet er særleg relevant for personar med bakgrunn frå elektro, automasjon, mekaniske fag, maritim teknikk, motorteknikk, båtbygging, service, drift eller vedlikehald.

Emnet passar for fagarbeidarar, teknikarar, montørar, serviceteknikarar, båtmekanikarar, maritime operatørar og andre som treng grunnleggande kompetanse i elektriske og hybride framdriftssystem. Emnet er også relevant for personar som ønsker å arbeide med service og vedlikehald av slike system, samt for tilsette i verkstader, marinaer, båtbransjen, leverandørbedrifter, offentlege verksemder og mindre reiarlag som skal vurdere, planlegge, gjennomføre eller følge opp elektrifisering av fartøy.

Utdanninga krev ikkje ingeniørkompetanse, men studenten bør ha grunnleggande teknisk forståing og interesse for maritime energisystem, elektriske komponentar, tryggleik og praktisk problemløysing.

Kandidaten

• har kunnskap om elektrotekniske prinsipp, energibehov og framdrift
• har kunnskap om elektriske motorar, motorstyring og systemintegrasjon
• har kunnskap om batteriteknologi, BMS og termisk styring
• har kunnskap om lading, energikjelder og hybride system
• har kunnskap om systemspenning, vern, tryggleik og risiko
• har innsikt i relevant regelverk, standardar, bransjeutvikling, miljø og økonomi

Kandidaten

• kan kartlegge fartøyet og berekne effekt- og energibehov
• kan bruke fagleg kunnskap til å dimensjonere og velje batteri, motor, motorstyring og systemspenning
• kan bruke fagleg kunnskap på praktiske og teoretiske problemstillingar knytt til propell, drivline og verknadsgrad
• kan bruke relevante faglege verktøy og uttrykksformer til å utføre grunnleggande elektriske berekningar og utarbeide prinsippskjema
• kan finne og bruke produsentdata, konfigurere systemkomponentar og tolke driftsdata
• kan kartlegge ein situasjon, gjennomføre risikoanalyse og identifisere behov for iverksetting av tiltak gjennom eit fagleg grunngjeve forslag til elektrifisering

Kandidaten

• har forståing for korleis elektrifisering inngår i eit heilskapleg maritimt energisystem
• har forståing for yrkes- og bransjeetiske prinsipp, og har utvikla ein etisk grunnhaldning i arbeidet med tryggleiksmessige og regulatoriske krav
• kan utføre arbeidet etter utvalde målgrupper sine behov og kommunisere løysingar til relevante aktørar
• kan bygge relasjonar med fagfeller og på tvers av fag, og bidra til utvikling av sikre og berekraftige løysingar
• kan oppdatere sin yrkesfaglege kunnskap og vurdere korleis ny teknologi kan nyttast i eiga yrkesutøving

• Lesing og bearbeiding av fagstoff i LMS og andre relevante kjelder
• Relevant informasjonsinnhenting på internett
• Bruk av KI-verktøy tilpassa utdanninga
• Undervisning via videokonferanse
• Repetisjon og fordjuping ved bruk av opptak frå undervisninga
• Quizar som læringsaktivitet og støtte for eigenvurdering
• Faglege diskusjonar på blogg
• Rettleiing
• Bruk av erfaringar frå eigen praksis i læringsnotat og oppgåver
• Utarbeiding av individuelle læringsnotat
• Individuell tilbakemelding og vurdering av læringsnotat
• Vidareutvikling av eigne læringsnotat på bakgrunn av rettleiing og tilbakemeldingar

Emnet er nettbasert med digitale samlingar. I tillegg til deltaking på samlingar, er det forventa at det blir arbeidd med læringsaktivitetar og obligatoriske læringskrav.

Vurderingsforma i emnet er mappevurdering.
Mappa inneheld:

• 4 læringsnotat
• Fagleg oppgåve

Godkjende obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode. Alle obligatoriske læringsaktivitetar må vere godkjende for å kunne gå opp til eksamen.

• Luth-Hanssen, V. (2026). Elektrifisering av saktegående fritidsbåter.

• Det vert gitt tilgang til supplerande fagstoff og rettleiing gjennom læringsplattforma.