64TE01L Instrumentering - 2027 Haust

Emnet gir ei innføring i målesystem og system kor instrumentering er sentralt.

Det omfattar: 

Instrumenteringssystem med fokus på statiske karakteristikkar og pålitelegheit. 

Grunnleggjande følarar som resisitive, induktive, kapasitive, optiske, ultralyd  Hall og  termoelement.

Signaltilpassing med signalomforming, forsterkerteknikk, kretsanalyse filtrering og AD/DA omforming.

Instrumenteringssystem som strømning, trykk og nivå

Kvalitet i målingar med fokus på kalibrering og måleusikkerheit 

Praktisk laboratoriearbeid er sentralt i emnet.

Studenten:

• har kunnskap om grunnleggjande og samansatte instrumenteringssystem, følarar, signaltilpassing.  

• Har kunnskap om kvalitet i målingar på komponentnivå og i eit overordna systemperspektiv. 

• kjenner hovudbestanddelane i eit målesystem og forstår målesystemet si rolle i eit reguleringssystem. 

Studenten:

• kan berekne statistisk pålitelegheit i enkeltkomponentar og i samansatte system 

• kjenner verkemåten til grunnleggjande følarar og kan bidra med fagforståing i val av følerprinsipp. 

• forstår prinsippet for signalomforming fra følar, via forsterking og filtrering til digitalt signal. sentralt er å berekne forsterkingsfaktor og forstår filteromgrep som filterorden, passbånd og sperrebånd. 

• kan bidra med fagforståing i val av prinsipp ved måling av trykk, temperatur, strømning og nivå.

• kan berekne statistisk måleusikkerheit for instrumenteringssystem. 

• forstår prinsippet for kalibreringshierarki, viktigheita av kalibrering og gyldigheita av utførte kalibreringar.

Studenten:

• kan formidle elektrofagleg informasjon knytt til teorier, problemstillingar og løysingar. 

• kan delta i diskusjonar som vedrører val av prinsipp for ulike målingar. 

• Kan dokumentere eit instrumenteringssystem. 

Undervisninga baserar seg i stor grad på forelesingar, oppgåver, laboratorieøvingar og lærebøker. For samlingsbaserte nettstudier vil det vere lærarstyrte aktivitetar mellom samlingane, både synkrone og asynkrone for å sikre god progresjon i faget.

Anbefalte forkunnskapar er 64TE01F Matematikk med programmering, 64TE01B Elektroteknikk og 64TE01I Elektronikk (eller tilsvarande).

Timeplanfesta tid er timane som ligg i timeplanen. For deltidsstudiet er timeplanfesta tid timane på timeplanen på samlingar. Desse timane er på dagtid. Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer blant anna arbeid med innleveringar, gruppearbeid og eventuelt timar med lærar etter nærmere avtale. I tillegg er det i desse timane sjølvstudie i form av forbereding til timar, lese fagstoff osv.

Timane som er timeplanfesta er eit utgangspunkt, og timar kan bli overførte mellom emner på bakgrunn av klassen sine behov og etter ei nærmare pedagogisk vurdering.

Skriftleg skuleeksamen, 5 timar. 

Karakterskala A-F, der F er ikkje bestått. 

• Godkjente obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode under.

  Alle obligatoriske læringsaktivitetar må vere bestått for å gå opp til eksamen

Litteratur blir utlevert ved starten av emnet

•  Systemdokumentasjon frå produsentar
•  Kompendier frå faglærar
•  Undervisningsmateriell