64TE01K Nettverk og sikkerheit - 2027 Haust

Emnet fokuserer på etablering, vedlikehald og sikring av operasjonell teknologi(OT) ved hjelp av oppdatert kunnskap om retningslinjer og anbefalingar. Dette inkluderer konfigurasjon av nettverkskomponentar og identifisering av svakheiter gjennom risikoanalysar.

Studentane vil lære om truslar mot systema, grunnleggjande kunnskap om nettverk. Dei vil og få innsikt i korleis kryptering og risikoanalyse kan brukast til å beskytte data. I tillegg skal studentane kunne simulere nettverksoppsett.

Studenten har kunnskap om: 

• oppsett og vedlikehald av OT og IKT nettverk.
• aktuelle nettverksprotokollar og topologiar
• kryptering og anvendingsområde
• aktuelle truslar og sikringstiltak av  OT og IKT nettverk
• nasjonale retningslinjer for OT og IKT sikkerheit

Studenten  kan:

• sette opp nettverksløysingar for mindre nettverk
• konfigurere  OT og IKT-infrastruktur
• simulere nettverksoppsett i eigna verktøy.  
• finne oppdatert informasjon om truslar mot IT-infrastruktur
• kartlegge OT og IKT-infrastruktur og identifisere moglege problemstillingar og dokumentere behovet for utbedring

Studenten  

• har forståing for prinsippar i arbeidet med OT og IKT-infrastruktur for ein bedrift  

• kan planleggje og gjennomføre oppsett av OT og IKT-infrastruktur  

• kan utvikle arbeidsmetodar for oppgradering og vedlikehald av OT og IKT-infrastruktur  

Undervisninga baserar seg i stor grad på forelesingar, oppgåver, laboratorieøvingar og lærebøker. For samlingsbaserte nettstudiar vil det vere lærarstyrte aktivitetar mellom samlingane, både synkrone og asynkrone, for å sikre god progresjon i faget

Timeplanfesta tid er timane som ligg i timeplanen. For deltidsstudiet er timeplanfesta tid timane på timeplanen på samlingar. Desse timane er på dagtid. Eigenstyrt aktivitet er arbeidet du som student bør leggje ned utanom timane som er timeplanfesta. Dette inkluderar blant anna arbeid med innleveringar, gruppearbeid og eventuelt timar med lærar etter nærmare avtale. I tillegg er det i desse timane sjølvstudie i form av forbereding til timar, lese fagstoff osv.

Karakterskala A-F, der F er ikke bestått. 

Godkjente obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode under.
Alle obligatoriske læringsaktivitetar må vere bestått for å gå opp til eksamen.

• Systemdokumentasjon frå produsentar     
• Kompendiar frå faglærar
• Undervisningsvideoar