64TE00A Elektroteknikk - DC - 2026 Haust

Emnet har fokus på likestraum og skal gi studenten kunnskap i elektriske kretsar som er eit viktig verktøy i fagleg problemløysing , samt danne eit godt fagleg grunnlag for vidare spesialisering og hovudprosjekt. Emnet skal gi studenten innføring i metodar for kretsanalyse, som nodespenningsmetoden, kjeldetransformasjonar, Thevenin- og Norton-ekvivalentar og superposisjonsmetoden. Vidare dekker emnet magnetiske feltomgrep, induktans, kapasitans, opplading og utlading av kondensator og transientar.

Studenten kan: 

• gjere greie for grunnleggande omgrep, storleikar og einingar innan likestraumssystem
• forklare prinsippa for spenning, straum, motstand og effekt i likestraumskretsar
• beskrive metodar for analyse av seriekretsar, parallellkretsar og kombinerte likestraumsnett
• forklare bruken av Ohms lov, Kirchoffs lover og grunnleggande måleteknikk i DC-analysar

Studenten kan:

• sette opp og berekne enkle og samansette likestraumskretsar
• bruke relevante metodar for feilsøking og måling i DC-system
• nytte digitalt simuleringsverktøy og laboratorieutstyr for å analysere og dokumentere måleresultat 

Studenten skal:

•  kunne vurdere og bruke grunnleggande elektroteknisk utstyr i likestraumskretsar på ein trygg og fagleg forsvarleg måte
• kunne reflektere over eigen praksis og bruke kunnskapen som grunnlag for vidare læring innan elektrofag

Undervisninga består hovudsakleg av førelesingar, oppgåver, laboratorieøvingar, lærebøker og bruk av simuleringsverktøy. Den følgjer ein fast timeplan i samlingsvekene, som går på dagtid. Mellom samlingane blir det gjennomført lærarstyrte aktivitetar, både synkrone og asynkrone. Læraren er òg tilgjengeleg for rettleiing etter avtale.

Timeplanfesta tid er timene som ligger i timeplanen. For deltidsstudiet er timeplanfesta tid timene på timeplanen på samlingar. Desse timane er på dagtid. Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer blant anna arbeid med innleveringar, gruppearbeid og eventuelle timar med lærar etter nærmare avtale. I tillegg er det i desse timane selvstudie i form av forbereding til timar, lese fagstoff osv.

Timane som er timeplanfesta er eit utgangspunkt, og timar kan bli overførte mellom emne på bakgrunn av klassen sitt behov og etter ein nærmare pedagogisk vurdering.

Godkjente obligatoriske læringsaktivitetar er gyldige i to semester etter godkjenninga, med mindre emneplanen fastset ein annan gyldigheitsperiode under.
Alle obligatoriske læringsaktivitetar må vere bestått for å gå opp til eksamen.

Litteraturliste Elektroteknikk

El-lære 1, Likestrøm

Th. P. van Pelt, E. H. Knol (2009), Oslo, NKI-Forlaget, ISBN: 9788256220922, 220 sider

El-lære 1 - Oppgavesamling,

Th. P. van Pelt, E. H. Knol (2009), Oslo, NKI-Forlaget, ISBN: 9788256220946, 220 sider