64HH47I Målretta miljøbehandling og personsentrert omsorg - 2027 Vår

Dette emnet gir studentane høve til å omsetje kunnskap om personsentrert omsorg og målretta miljøbehandling til eit konkret utviklingsarbeid på eigen arbeidsplass, eller i ei arbeidsplassliknande ordning som fagskulen legg til rette. Gjennom rettleiing, fagleg refleksjon og aktiv deltaking skal studentane utvikle, prøve ut og evaluere tiltak som styrkjer kvaliteten i tenesta og pasienten si oppleving av meistring og tryggleik.

Emnet kan takast som eit enkeltståande emne, eller inngå som eitt av dei fire emna i fagskuleutdanninga i demensomsorg og psykisk helsearbeid for eldre.

Tema:

• Planlegging av målretta miljøarbeid
• Utviklingsarbeid i eigen arbeidskontekst
• Kartlegging og informasjonsinnhenting
• Metodar og verktøy for miljøbehandling i praksis
• Personsentrert omsorg i konkrete situasjonar
• Tiltaksplanlegging og gjennomføring
• Evaluering av miljøtiltak og utviklingsarbeid
• Dokumentasjon og fagleg refleksjon
• Møte- og samarbeidsleiing i tverrfaglege prosessar
• Samarbeid med pårørande
• Etiske vurderingar i praktisk miljøarbeid

Studenten har:

• innsikt i nasjonale råd og rettleiarar
• kunnskap om tilrettelegging av psykososialt og fysisk miljø
• kunnskap om miljøbehandling og personsentrert omsorg
• kunnskap om samhandling med pårørande
• kunnskap om spesifikke miljøtiltak
• kjennskap til ulike kartleggingsverktøy

Studenten kan:

• nytta kommunikasjonsteknikkar som fremmar godt samarbeid med pasientar, pårørande, kollegaer og frivillige
• nytta relevante metodar for observasjon og kartlegging
• gjera tiltak for å tilretteleggja det fysiske miljøet i avdelinga i samarbeid med kollegaer
• leia samarbeidsmøter kring den enkelte pasient
• utarbeida tiltaksplanar med utgangspunkt i dei grunnleggjande psykologiske behova, personsentrert omsorg, der trivsel, meistring og det at pasienten kjenner seg trygg står sentralt
• samarbeida med pårørande og innhenta relevant informasjon om pasienten

Studenten:

• har ei etisk grunnhaldning i utøving av personsentrert omsorg som byggjer på brukarmedverknad, respekt for personens integritet og fagleg forsvarlegheit
• syner respekt for at eldre med psykiske lidingar/problem og eldre med kognitiv svikt kan nytta sine ressursar og oppleva meistring
• kan vidareutvikla miljøbehandling på eigen arbeidsplass i samarbeid med kollegaer, andre faggrupper, pårørande og frivillige
• kan dela kunnskap om personsentrert omsorg gjennom refleksjon med kollegaer på eigen arbeidsplass

Undervisninga i dette emnet er studentaktiv og knytt til utviklingsarbeidet studenten gjennomfører på eigen arbeidsplass eller i ei arbeidsplassliknande ordning. Studentane arbeider med fagstoffet gjennom førebuingar, refleksjon og rettleiing, og gjennom praktiske oppgåver som er direkte relevante for utviklingsarbeidet. Studentane får rettleiing på dei obligatoriske læringsaktivitetane som inngår i emnet, og refleksjon knytt til eigen praksis og utviklingsarbeidet er ein sentral del av læringsprosessen. Undervisninga skjer gjennom ei kombinasjon av digital undervisning, fagleg rettleiing og eventuelle samlingsbaserte aktivitetar tilpassa behovet i utviklingsarbeidet.

Det er ingen forkunnskapskrav utover dei ordinære opptakskrava til fagskuleutdanning. Emna kan takast enkeltvis utan krav til rekkjefølgje.   

I emne fire skal studenten gjennomføre eit utviklingsarbeid på eigen arbeidsplass. Emne gir 7,5 studiepoeng som utgjer om lag 230 timar arbeid, fordelte slik: 

Utgangspunktet for all vurdering er dei fastsette læringsutbytta på overordna nivå og emnenivå. Studenten må ha gjennomført og fått godkjent alle obligatoriske læringsaktivitetar (OLA) for å få sluttvurdering i emnet. OLA fungerer som vilkår for vurdering, men inngår ikkje i vurderingsgrunnlaget, jf. forskrifta § 5-4. 

Emneplanen fastset kva obligatoriske læringsaktivitetar som gjeld i emnet, og kva vurderingsform som blir nytta. Godkjente obligatoriske læringsaktivitetar er gyldige i to semester etter godkjenninga, med mindre anna er fastsett. Sjå også forskrifta kapittel 6 om vurdering. 

Sluttvurdering 

Sluttvurderinga i kvart emne er bestått/ikkje bestått. For å oppnå vurderinga bestått må alle obligatoriske læringsaktivitetar (OLA) vere godkjende. Dersom ikkje alle OLA er godkjende, blir emnet vurdert til ikkje bestått, og studenten må gjennomføre heile emnet på nytt for å kunne oppnå bestått. 

Sluttkompetanse 

Fullført og bestått fagskuleutdanning på 30 studiepoeng gir vitnemål og ein fagskuleutdanning). Studentar som ikkje har fullført heile utdanninga, kan be om ein karakterutskrift som viser fullført og bestått emne. 

Vitnemålet vil innehalde 

• Emne som inngår i utdanninga. 

• Omfang av emne og oppnådd vurdering 

• Overordna læringsutbytte. 

• Nivå i Nasjonalt kvalifikasjonsrammeverk (NKR) 5.1 og kvalifikasjonen som er oppnådd. 

• Karaktersystemet som blir brukt og talet på studiepoeng. 

• Namn på utdanning og tittel på hovudprosjektet. 

Omgrepet Vocational Diploma (VD) brukast på vitnemålet for å sikre at det også kan nyttast internasjonalt. 

I dette emnet skal studenten gjennomføre følgjande obligatoriske læringsaktivitetar: