64HH47H Samhandling, fagleg refleksjon og rettleiing i tverrfaglege team - 2027 Vår

I dette emnet får studentane kunnskap om fagleg refleksjon, rettleiing og samhandling i tverrfaglege team. Emnet gir verktøy for kvalitetsarbeid, konflikthandtering og utvikling av eit godt arbeidsmiljø. Det skal styrkje profesjonell praksis, arbeidshelse og evna til å rettleie og støtte kollegaer.
Emnet kan takast som eit enkeltståande emne, eller inngå som eitt av dei fire emna i fagskuleutdanninga i demensomsorg og psykisk helsearbeid for eldre.

Tema:

• Fagleg og etisk refleksjon
• Refleksjonsmodellar
• Bruk av refleksjonslogg
• Implementering av rutinar for fagleg refleksjon i arbeidskvardagen
• Rettleiingsteori og rettleiingsmetodar
• Rettleiing i tverrfaglege team
• Mentalisering og relasjonell forståing
• Arbeidshelse og arbeidsmiljø
• Kvalitetssikring og kvalitetskontroll
• Ansvar og rolleforståing i team
• Konflikt og konflikthandtering

Studenten:

• har kunnskap om fagleg og etisk refleksjon og refleksjonsmodellar
• har kunnskap om korleis ein kan  implementera gode rutinar for fagleg refleksjon på eigen arbeidsplass
• har kunnskap om fagleg rettleiing
• har kunnskap om omgrepet arbeidshelse og kva dette er
• kan anvende kunnskap om kvalitetssikring og kvalitetskontroll for å delta i kvalitetsarbeidet på egen arbeidsplass

Studenten:

• kan identifisera faglege og etiske problemstillingar
• kan bruka ein refleksjonsmodell
• viser evne til mentalisering og på denne måten visa forståing for andre personars perspektiv, og tar omsyn til korleis ein sjølv verkar på andre
• kan bidra konstruktivt i rettleiingsgruppe
• kan nytta ein konflikthandteringsmodell
• kan nytta kvalitetssystema på arbeidsplassen og ha fokus på korleis og når ein skal melda avvik

Studenten:

• har ei etisk grunnhaldning som kjem til uttrykk gjennom refleksjon over eiga åtferd og kommunikasjon med medstudentar og lærar
• kan ta i mot og gjera seg nytte av rettleiing
• kan ta eit medansvar for å utvikla og oppretthalda eit godt arbeidsmiljø
• kan utføra arbeidet etter arbeidsplassens HMS-rutinar for kvalitetssikring og internkontroll

Undervisninga vil vera studentaktiv. Det vil seia at studentane må vera førebudd til samlingane. Dette er dei ved å ha nytta seg av nettundervisninga som lærarane har lagt ut i forkant av samlingane og gjera obligatoriske læringsaktivitetar innan tidsfristane. På samlingane skal studentane arbeida med fagstoffet ved til dømes å løysa caseoppgåver i grupper. Dersom ein ikkje har arbeidd med fagstoffet på førehand vil ein ikkje ha godt utbytte av den studentaktive undervisninga.

Undervisninga baserer seg i stor grad på fagtekstar, nokre forelesingar, rettleiing, refleksjonar og arbeid med oppgåver og oppgåveløysing individuelt og i gruppe. I tillegg blir det brukt video relatert til aktuelt lærestoff og ferdighetstrening. Undervisninga og rettleiinga skjer både samlingsbasert og digitalt.

Ein vil i stor grad leggja opp til casebasert undervisning og refleksjon. Rettleiing på obligatoriske læringsaktivitetar er ein del av undervisninga. Den digitale undervisninga vil veksla mellom å vera asynkron og synkron.

Det er ingen forkunnskapskrav utover dei ordinære opptakskrava til fagskuleutdanning. Emna kan takast enkeltvis utan krav til rekkjefølgje. 

Kvart emne på 7,5 studiepoeng utgjer om lag 225 timar arbeid.

Dette omfattar all lærarstyrt undervisning, praksis, rettleiing og sjølvstendig arbeid.  

Utgangspunktet for all vurdering er dei fastsette læringsutbytta på overordna nivå og emnenivå. Studenten må ha gjennomført og fått godkjent alle obligatoriske læringsaktivitetar (OLA) for å få sluttvurdering i emnet. OLA fungerer som vilkår for vurdering, men inngår ikkje i vurderingsgrunnlaget, jf. forskrifta § 5-4. 

Emneplanen fastset kva obligatoriske læringsaktivitetar som gjeld i emnet, og kva vurderingsform som blir nytta. Godkjente obligatoriske læringsaktivitetar er gyldige i to semester etter godkjenninga, med mindre anna er fastsett. Sjå også forskrifta kapittel 6 om vurdering. 

Sluttvurdering 

Sluttvurderinga i kvart emne er bestått/ikkje bestått. For å oppnå vurderinga bestått må alle obligatoriske læringsaktivitetar (OLA) vere godkjende. Dersom ikkje alle OLA er godkjende, blir emnet vurdert til ikkje bestått, og studenten må gjennomføre heile emnet på nytt for å kunne oppnå bestått. 

Sluttkompetanse 

Fullført og bestått fagskuleutdanning på 30studiepoeng gir vitnemål og ein fagskuleutdanning). Studentar som ikkje har fullført heile utdanninga, kan be om ein karakterutskrift som viser fullført og bestått emne. 

Vitnemålet vil innehalde 

• Emne som inngår i utdanninga. 

• Omfang av emne og oppnådd vurdering 

• Overordna læringsutbytte. 

• Nivå i Nasjonalt kvalifikasjonsrammeverk (NKR) 5.1 og kvalifikasjonen som er oppnådd. 

• Karaktersystemet som blir brukt og talet på studiepoeng. 

• Namn på utdanning og tittel på hovudprosjektet. 

Omgrepet Vocational Diploma (VD) brukast på vitnemålet for å sikre at det også kan nyttast internasjonalt. 

I dette emnet skal studenten gjennomføre følgjande obligatoriske læringsaktivitetar: 

2 Test deg sjølv-oppgåve 

Refleksjonsnotat 

Munnleg framlegg