64TB79J Ombrukskartlegging med tilstandsanalyse - 2026 Vår

Studiet gjev deltakarane praktisk og teoretisk innsikt i korleis dei kan fremje berekraft gjennom systematisk ombruk og avfallsførebygging i bygg- og anleggsprosjekt.

Studentane lærer å utføre tilstands- og ombrukskartlegging i tråd med gjeldande standardar, og får forståing for korleis restlevetid og teknisk tilstand påverkar moglegheitene for vidare bruk av byggjematerialar.

Studenten:

• har kunnskap om grunnleggande prinsipp for ombruk, gjenvinning og avfallsførebygging i bygg- og anleggsprosjekt
• har kunnskap om innhald, formål og samanheng mellom tilstandskartlegging og ombrukskartlegging
• har kunnskap om korleis tilstandsvurderingar på nivå 1 kan gjennomførast i tråd med NS 3424
• har kunnskap om korleis tilstand og restlevetid påverkar moglegheitene for ombruk av byggematerialar
• kjenner til relevante rettleiarar og regelverk knytt til dokumentasjon, tilstandsvurdering og omsetning av brukte byggevarer
• har kunnskap om prinsipp for demonterbarheit og reversible samband i bygg som føresetnad for ombruk
• kjenner til digitale verktøy og marknadsplassar som blir nytta til dokumentasjon og vidareformidling av ombruks- og overskotsmateriale

Studenten:

• kan gjennomføre ei enkel ombruksbefaring og medverke i systematisk tilstandskartlegging av eksisterande bygg
• kan registrere, systematisere og dokumentere byggematerialar med vekt på tilstand, kvalitet og moglegheit for vidare bruk
• kan utføre enkle visuelle og funksjonelle tilstandsvurderingar i felt i samsvar med gjeldande metodikk
• kan nytte kartleggingsdata til å analysere ombrukspotensial i eit bygg
• kan bruke digitale verktøy og marknadsplassar til å gjere ombrukskartlagde materialar tilgjengelege for relevante aktørar
• kan medverke i faglege vurderingar av om ombruk er føremålstenleg, basert på tilstand, dokumentasjonskrav og praktisk gjennomføring

Studenten:

• har forståing for samanhengen mellom tilstand, dokumentasjonskrav og praktisk gjennomføring av ombruk i byggjeprosjekt
• kan formidle resultat frå ombrukskartlegging og tilstandsvurderingar til ulike aktørar i verdikjeda, som arkitekt, entreprenør og byggherre
• kan bidra til auka ombruk og bevaring i byggje- og renovasjonsprosjekt gjennom systematisk arbeid med tilstand og ombruk
• kan bidra til meir berekraftige val i rehabiliterings- og riveprosjekt

Microsoft Teams vert brukt som læringsplattform for å administrere studiet, og til å formidle oppgåver og prosjekt til studentane.

Studentane leverer oppgåver og får tilbakemeldingar på Teams. Teams vert òg brukt til rettleiing av ein eller fleire studentar.

Timeplanfesta timar er timane som ligg i timeplan på samlingar. Desse timane er på dagtid, følger samlingsplanen og ligg i timeplanen i vis.

Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer mellom anna arbeid med innleveringar og ekstratimar på kveldstid med lærar etter nærare avtale. 

I tillegg er det i desse timane sjølvstudium i form av førebuing til timar, lese fagstoff med meir.

Vurderingsmappe som består av:

• Individuell skriftleg innlevering
• Individuell videopresentasjon

Vurdering bestått/ikkje bestått 

Ei individuell skriftlig innlevering 

Læremateriell:

Mast, J., Unruh, F.V., Irrek, W. (2022):  R-strategies as guidelines for the Circular Economy: rethink_22-03_r-strategien_EN.pdf (prosperkolleg.ruhr) 

Hefte/ publikasjonar retta mot byggjebransjen :

Grøn byggallianse. Tenk deg om før du river

SINTEF (2021). Ombruk av byggematerialar-marked, drivere og barrierer

SINTEF (2022). Ombruk av byggematerialar- vialeder for dokumentasjon av ytelser

SINTEF Byggforskserien.  https://www.byggforsk.no/byggforskserien 

Norsk standard. www.standard.no

Tilleggslitteratur

Miljødirektoratet.  https://www.miljodirektoratet.no/  

ENOVA.  https://www.enova.no/  

FutureBuilt. https://www.futurebuilt.no

Grønn byggallianse (videomateriale).  https://byggalliansen.no/